ചേർപ്പ്
ബ്ലോക്ക് പഞ്ചായത്ത്

തൃശ്ശൂർ താലൂക്കിന്റെ തെക്കേ അതിർത്തിയിലുള്ള ഭൂപ്രദേശമാണ് ചേർപ്പ് ബ്ലോക്ക് പഞ്ചായത്ത്. തൃശ്ശൂർ, മുകുന്ദപുരം താലൂക്കുകളെ വേർതിരിക്കുന്ന കരുവന്നൂർ പുഴയാണ് ബ്ലോക്കിന്റെയും അതിര്. ബ്ലോക്കിന്റെ ഭൂരിഭാഗം പ്രദേശങ്ങളും സമുദ്രനിരപ്പിൽ നിന്നും ഒന്നര മീറ്റർ വരെ താഴ്ന്ന ജൂബിലി തേവർ പടവ് ഉൾപ്പെടുന്ന കോൾനിലങ്ങളും, വയലുകളും ജലാശയങ്ങളുമാണ്. വല്ലച്ചിറ പഞ്ചായത്തിലും ചേർപ്പ് പഞ്ചായത്തിലുമായി സ്ഥിതി ചെയ്യുന്ന പല്ലിശ്ശേരിക്കുന്ന് സമുദ്രനിരപ്പിൽ നിന്ന് 1500 മീറ്റർ വരെ ഉയരമുള്ള ഭൂവിഭാഗവുമാണ്. ഈ രണ്ടു ഭൂപ്രദേശങ്ങളെയും തമ്മിൽ ചേർക്കുന്ന ഭൂപ്രദേശമാണ് ചേർപ്പ് എന്നതാണ് പണ്ഡിത മതം. ഗ്രാമപഞ്ചായത്തും ബ്ലോക്ക് പഞ്ചായത്തും അറിയപ്പെടുന്നത് ചേർപ്പ് എന്ന പേരിലാണ്. പത്തുവർഷം മുൻപുവരെ നിയോജകമണ്ഡലവും ചേർപ്പ് എന്ന പേരിലാണ് അറിയപ്പെട്ടിരുന്നത്. ജനകീയസൂത്രണം ആരംഭിച്ച 1996 ൽ ചേർപ്പ് ബ്ലോക്ക് പഞ്ചായത്തിന്റെ ഭാഗമായിരുന്ന കൂർക്കഞ്ചേരി, ഒല്ലൂർ...